بنشوف الإنسان بهويته وقدراته وطموحاته؛ وما بنختزلوش في تشخيص، ولا بنحكم عليه بافتراضات.
بنسأل باحترام، ونسمع ونتعلّم؛ علشان نفهم إيه اللي بيريّحه، وإيه اللي ممكن يضايقه، وإزاي نتواصل معاه.
مؤمنين إن تنوّع القدرات والتجارب قوة بتغني مجتمعنا، وإننا لازم نبني ثقافة فيها القبول والانتماء حق للكل.
إيه اللي بتعمله رُقي؟
رُقي مبادرة مجتمعية عالمية بتحوّل معرفتنا بالاختلاف لفهم، والفهم لسلوك يبني ثقافة أكثر إنسانية. بنسلّط الضوء على تجارب مرتبطة بالمتلازمات والأمراض النادرة والإعاقات واختلافات التعلّم والتواصل والانتباه والمعالجة الحسية؛ مش علشان نختزل الإنسان في تشخيصه، لكن علشان نقرب من عالمه ونشوفه هو الأول.
ومن خلال حملات توعوية على منصات التواصل ووسائل الإعلام، بنقدّم محتوى موثوق وبسيط يعرّف بكل اختلاف، وإيه اللي ممكن يريّح الشخص ويحسّسه بالأمان، وإيه اللي ممكن يتعبه أو يضغط عليه، وإزاي نتواصل معاه وندعمه باحترام. وإحنا عارفين إن احتياجات كل شخص مختلفة، حتى لو التشخيص واحد؛ لأن هدفنا مش بس إن الناس تعرف الاختلاف، لكن إنها تفهمه وتتعامل معاه بوعي ومسؤولية.
حملات رُقي
بنغيّر النظرة علشان الواقع يتغيّر؛ ولما الفهم يبقى سلوك، الاختلاف يبقى قوة، والإتاحة حق، والانتماء يبقى للكل.ومن هنا بيبدأ الرُقي.
01 / 07تغيير النظرة
قبل ما نفسّر تصرّف أو نصدر حكم، نسأل ونسمع ونتعلّم. حملة بتصحّح الافتراضات الشائعة وبتفتح باب الفهم.
نفهم قبل ما نحكم.
المشكلة مش دايمًا في اللي بنشوفه…
الطفل بيغطّي ودانه علشان بيدلّع.
ليه ما يكونش الصوت مضايقه ومش قادر يستحمله؟
لما نظرتنا بتتغيّر… المجتمع بيرتقي.
تواصل معنا
شاركنا فكرتك، أو اقترح حملة توعية، أو احكيلنا قصتك. يمكن رسالتك تبقى بداية أثر يوصل لمجتمع كامل.
