ما محتاجينعالم أقلّ اختلافًا…محتاجين مجتمع أكثر رُقيًا

رُقي مبادرة مجتمعية عالمية بتحوّل معرفتنا بالاختلاف لفهم، والفهم لسلوك بيصنع ثقافة أكثر إنسانية. بنسلّط الضوء على تنوّع التجارب المرتبطة بالمتلازمات والأمراض النادرة والإعاقات واختلافات التعلّم والتواصل والانتباه والمعالجة الحسية؛ ما عشان نختصر الإنسان في تشخيصو، لكن عشان نقرّب المجتمع من عالمو ونشوف الإنسان أول.

ومن خلال حملات توعوية موجّهة عبر منصات التواصل ووسائل الإعلام، بنقدّم محتوى موثوق وبسيط بعرّف الناس بكل اختلاف، وشنو الممكن يدي الشخص راحة وأمان، وشنو الممكن يتعبو أو يضغط عليهو، وكيف نتواصل معاهو ونساندو باحترام. وعارفين إن الاحتياجات بتختلف من زول للتاني، حتى لو التشخيص واحد. هدفنا ما بس إن المجتمع يعرف الاختلاف؛ هدفنا يفهمو ويتعامل معاهو بوعي ومسؤولية.